Tungod sa grabeng init sa panahon sa Japan karong summer season, usa ka kumpanya sa pagbuhat og mga refrigerator ang nagpaila og bag-ong solusyon—ang gitawag nga “human refrigerator” o “Do Hiemon Box.”
Nahimo kini human masayran nga niaging Hulyo 15 lamang, kapin sa 48 ka tawo ang naospital sa Tokyo tungod sa heatstroke, hinungdan nga naghimo ang kumpanyang SDRS og personal cooling cabinet aron matubag ang dako nga panginahanglan sa pampabugnaw.
Ang Do Hiemon Box usa ka metal nga kahon nga may samin nga pultahan diin makasulod ang usa ka tawo aron makasinati og hanging bugnaw nga 5°C nga nakatutok sa ulo, liog, abaga ug likod. Sumala sa nag-imbento niini, ang 10 minutos lamang nga pagpabilin sa sulod sa kahon igo na aron paspas nga mapaubos ang temperatura sa lawas ug maibanan ang mga sintomas sa heat exhaustion.
Gawas sa pagpreserba sa temperatura sa 15°C gamit ang tulo ka klase sa cooling ug airflow modes, ginama usab kini nga pagmenos sa kuryente diin tunga ra sa enerhiya ang gigamit kumpara sa ordinaryong portable air conditioner.
Awtomatiko usab kini nga mapalong paghuman sa 20 minutos aron malikayan ang sobra mga kabugnaw, ug dali ra ibalhin sa lain-laing dapit tungod kay dunay kini ligid nga wala na nanginahanglan og komplikadong instalasyon.
Photo Courtesy:Gizmochina
