Gitakda nga botohan sa mga magbabalaod sa nasud sa France ang pagban sa social media alang sa nga bata nga wala pa niabot ang edad nga 15-anyos.
Diin usa ang nasud sa France sa 20 ka mga kanasuran sa tibuok kalibutan nga niduso sa maong lakang samtang lima sa maong mga nasud ang gisugdan na ang pagpatuman niini. Kahinumduman nga gidili na ang paggamit sa social media sa mga wala pay 16 anyos didto sa Australia sukad Disyembre sa nakalabay nga tuig.
Samtang niduso usab ang nasud sa Brazil ug balaodnon niadtong Marso nga nag-require sa mga social media platforms nga i-link ang accounts sa mga bata ngadto sa ilang mga ginikanan diin kinhanglan sab sutaon una sa mga platforms ang edad sa mugamit sa account.
Gipahugtan usab sukad pa tuig 2019 didto sa China ang access sa nga minor de edad sa social media.
Nagpatuman na sab ang Indonesia og pag-ban sa paggamit og social media sa mga bata nga wala pay 16 anyos sukad Marso karong tuiga diin sama nga lakang ang gihimo sa Malayasia sukad niadtong nakalabay nga bulan,
Subay niini, gilauman nga mas daghan pa nga mga kanasuran ang mupatuman sa samang lakang aron panalipdan ang mga Kabataan batok sa dili maayong impluwensiya dala sa pag-gamit og social media.
Photo courtesy: dw.com
