Gibutyag sa Sandiganbayan nga niplead og “not guilty” si Senador Rodante Marcoleta sa mga kasong plunder ug paglapas sa Presidential Decree 46 atol sa iyang arraignment sa Third Division kagahapong adlawa.
Gitugotan sa korte ang hangyo sa mga abogado ni Marcoleta nga bawion ang ilang motion to quash sa kasong plunder, nga maoy hinungdan sa pagpadayon sa iyang arraignment.
Nakita si Marcoleta nga nagsul-ob sa uniporme sa Bureau of Jail Management and Penology kun (BJMP) samtang nitubag sa mga kasong gisang-at batok kaniya atubangan sa korte.
Nipadayag usab og “not guilty” ang iyang kaubang akusado nga si Joseph Espiritu sa kasong paglapas sa Presidential Decree 46, nga nagdili sa paghatag ug pagdawat og mga regalo tali sa mga opisyal sa gobyerno ug mga pribadong indibidwal.
Nipadayon ang proseso sa kaso human sa pagpadayag sa mga plea sa mga akusado, samtang gilauman ang sunod nga mga hugna sa trial sa Sandiganbayan.
Photo Courtesy:Wikimedia commons
