Nagpabilin ang bug-os nga pagsalig ni Presidente Ferdinand Marcos Jr. sa tanang miyembro sa iyang Gabinete. Kini ang gipadayag ni Palace Press Officer Claire Castro, nga mitin-aw nga wala’y rason nga kuhaan sa pagsalig sa Pangulo ang bisan kinsang opisyal samtang wala pa’y lig-ong ebidensya nga naglambigit kanila sa bisan unsang kaso sa korapsyon.
Matod pa ni Castro, ang tanang alegasyon kinahanglan nga moagi sa hustong proseso ug imbestigasyon aron mapamatud-an ang kamatuoran ug masiguro ang due process. Apan, gipasiugda usab sa Palasyo nga kung adunay konkretong ebidensya sa paglapas sa balaod, manubag gihapon ang responsable ug dili kini pasagdan sa administrasyon.
Gipasalig sa Malacañang nga magpadayon ang maayong pagdumala ug pagpatuman sa balaod aron mapadayon ang kalamboan ug pagsalig sa gobyerno.
Photo Courtesy: PCO
