Gilunsad sa Lokal nga Panggamhanan sa Mawab DDO, ubos sa liderato ni Mayor Myrill Apit, MPA, pinaagi sa Municipal Nutrition Council (MNC), ang Food Assistance and Feeding Program for Nutritionally At-Risk Preschoolers isip kabahin sa kampanya sa pagpalambo sa kahimsog ug nutrisyon sa mga kabataan.
Tumong sa programa ang paghatag og masustansyang pagkaon sa mga preschoolers nga adunay kakulang sa nutrisyon aron mapalambo ang ilang kahimtang sa panglawas ug pagtubo.
Gipalig-on usab sa maong inisyatiba ang kahibalo sa mga ginikanan pinaagi sa paghatag og impormasyon bahin sa husto nga nutrisyon, pagpakaon, ug pag-atiman sa ilang mga anak.
Sumala sa LGU Mawab, padayon nga giprayoridad sa lokal nga panggamhanan ang mga programang nagpalambo sa kahimsog sa kabataan ug naghatag og kalidad nga serbisyo alang sa kaayohan sa matag pamilya ug sa umaabot sa komunidad.
