Nihangyo si City Councilor Roger Abaday nga himuon ang usa ka komprehensibong pagtuon aron masusi ang posibilidad sa pagtukod og dugang nga satellite o off-street transport terminal sa Dakbayan sa Cagayan de Oro. Matod niya, samtang nagpadayon ang paspas nga paglambo sa siyudad, kinahanglan usab nga mapalambo ang sistema sa pampublikong transportasyon aron makatubag sa nagkadaghang panginahanglan sa mga pasahero.
Gipasabot ni Abaday nga sa pagkakaron, ang dakbayan nagsalig lamang sa Agora, Bulua, ug Eastbound Integrated Bus Terminals isip mga nag-unang terminal sa mga pampublikong sakyanan. Apan tungod sa padayon nga pagdagsang sa mga residente ug negosyo sa mga uptown nga lugar, sama sa Canitoan, Pagatpat, Lumbia, ug mga kasikbit nga komunidad, nakita niya ang panginahanglan sa dugang nga pasilidad alang sa transportasyon.
Gibalhin na sa komitiba sa Public Utilities ug Committee on Planning and Development ang sugyot aron masusi ang posibilidad sa proyekto ug ang mahimong kaayohan niini alang sa publiko.
Photo courtesy: Cagayan de Oro City Information Office
