Miigo ang usa ka kusog nga linog nga Magnitude 7.4 sa habagatang bahin sa Mexico diin ang sentro niini natala duol sa Puerto Madero, Chiapas.
Tungod sa kakusog sa pagtay-og, nasinati ang linog sa daghang lugar sa Mexico, lakip ang pipila ka bahin sa Guatemala ug El Salvador, nga hinungdan sa pagdali og panggawas sa mga residente gikan sa ilang mga panimalay, opisina, ug mga establisemento aron makalikay sa posibleng peligro.
Sa pagkakaron, padayon pang gisusi sa mga otoridad ang posibleng kadaot sa mga imprastraktura ug ang kahimtang sa mga naapektuhang komunidad, samtang nagpadayon usab ang pagmonitor batok sa posibleng mga aftershock.
Giawhag usab ang mga residente nga magpabiling alerto ug mosunod sa mga pahimangno sa lokal nga mga awtoridad alang sa ilang kaluwasan.
Photo Courtesy: Instagram
