Sa lugar sa Surabaya, sakop sa nasud sa Indonesia, mahimo nang ipamasahi sa bus ang mga plastic, botelya, ug plastic nga baso isip pamasahe sa bus.
Kinahanglan lang magdala og tulo ka dagkong plastic nga botelya, lima ka medium nga botelya, ug napulo ka plastic nga baso aron maka lebri ug sakay sa bus isip pamasahe.
Programa kini sa ilang goberno sa maong dapit, ug tungod sa maong programa, liboan ka mga residente sa lugar ang mas gipili ang pagtigom sa mga plastic kaysa ilabay kini bisan asa.
Gawas nga makatabang kini sa pagkunhod sa mga basura sama sa plastik, gidasig usab sa maong programa ang paggamit sa pampublikong transportasyon ug ang aktibong pag-apil isip pamasahe sa bus, ug dako usab kaayong tabang alang sa pagpanalipod sa kinaiyahan.
Usa kini ka inisyatiba sa paningkamot sa LGU Surabaya aron masulbad ang problema sa plastic nga basura samtang nagpalambo sa limpyo ug malungtarong transportasyon alang sa mga pasahero sa bus.
Photo Courtesy: Unisort
