Giangkon sa Department of Labor and Employment (DOLE) Secretary Francis Tolentino nga kamulo na ang proseso alang sa wage increase sa nagkadaiyang mga rehiyon sa nasud.
Giklaro ni Toelntino nga sa matag rehiyon adunay lain-laing anniversary date alang sa wage orders, hinungdan dili mahimong mapatuman ang dugang suhulan sulod sa usa lang ka tuig.
Sumala sa DOLE, gilauman nga magpagawas ang mga Regional Wage Board sa ilang mga rekomendasyon bahin sa posibleng pagsaka sa minimum wage sa mga bulan sa Setyembre ug Oktubre 2026.
Dugang ni Tolentino, halos 95 porsyento sa mga kompanya sa National Capital Region ang dali nga motuman sa mga wage order.
Apan iyang gipahimangnoan nga ang mga kompanyang dili motuman nga mahimong atubangon ang multa ug silot nga pagkabilanggo sumala sa balaod.
Ang maong lakang gihimo isip tubag sa taas nga inflation nga gituohang bunga sa energy crisis, aron mamenosan ang bug-at nga epekto sa nagkataas nga presyo sa mga palaliton alang sa mga mamumuo.
Photo Courtesy: DOLE
