Nagpatigbabaw ang kalooy ug paspas nga pagtabang sa mga flight attendant sa usa ka eroplano sa Estados Unidos ug napugos sab pag-emergency landing ang Delta Flight 694, gumikan sa kalit nga pagkasakit sa usa ka iro nga sakay sa eroplano.
Sumala pa namatikdan sa ubang mga pasahero sa eroplano nga naglisod na ug ginhawa ang usa ka iro, rason nga mipresentar ang usa ka pasaherong beterinaryo nga iyang tabangan ang iro, samtang naglupad ang eroplano.
Giingon usab sa piloto tungod sa seryosong sitwasyon, mihukom siya nga mag-emergency landing nalang siya aron dali nga madala ang iro sa beterenaryo alang sa medikal nga pag-atiman.
Ang maong desisyon gisuportahan usab sa mga pasahero uban sa mga crew aron masiguro ang kaluwasan sa iro. Pag-abot usab sa tugpahanan, andam na ang medical team nga modawat sa maong iro alang sa pagtambal, human niini, gipahibalo sa mga medical team ngadto sa sa mga pasahero ug sa tag-iya niini nga luwas ra ang kahimtang sa iro.
Nianang higayona mibalik usab paglupad ang eroplano padulong sa ilang destinasyon, samtang giimbestigahan usab ang piloto kung nganong nahitabo ang pag-emergency landing, apan sa nasuta ang rason wala ra usab na suspended ang piloto.
Photo Courtesy: ARVIN POLO TV
