Giaprobahan sa Senate impeachment court niadtong Lunes, Hulyo 20, ang hangyo sa House prosecution panel nga magpagawas og subpoena alang sa mga bank records ug dokumento gikan sa Anti-Money Laundering Council (AMLC) nga may kalabutan kang Vice President Sara Duterte ug sa iyang bana nga si Atty. Manases Carpio.
Sa ikapitong adlaw sa impeachment trial, gipadayag ni Senate impeachment court Presiding Officer Senator Francis “Chiz” Escudero nga adunay igo nga basehan aron pangayoan ang mga bank records, AMLC, ug tax records sa Bise Presidente tungod sa kalabutan niini sa Article II sa Articles of Impeachment bahin sa giingong dili mapasabot sa kabtangan. Giklaro sa korte nga ang maong mga rekord dili gamiton aron magpasaka og bag-ong kaso, kon dili aron lamang masusi ang iyang financial background ug maikumpara kini sa iyang mga kasamtangang propedad ug transaksyon.
Gawas sa Bise Presidente, gipanalipdan ug gipaboran usab sa korte ang pagkuha sa pipila ka bank records ni Atty. Mans Carpio tungod sa ilawom nga kasunduan sa ilang pakigminyo nga absolute community of property. Ingonman, giaprobahan usab ang pag-subpoena sa mga rekord sa 19 ka kompanya nga gidudahan nga adunay koneksyon sa magtiayon, samtang gipagawas sa lista ang duha ka kompanya nga wala mapamatud-ani sa prosecution og direktang labot
Photo Courtesy:Senate Impeachment Court
