Dili mimenos sa 20 ka tawo ang namatay ug labing minus 80 pa ang naangol human gihapak sa usa ka kusog ug grabeng flash flood ang amihanang-sidlakang bahin sa Afghanistan kagahapon Lunes, Hulyo 20, 2026.
Sumala sa gobyerno nga gipangulohan sa Taliban, ang dakbayan sa Parun—nga mao ang sentro sa lalawigan sa Nuristan—ang nakatala sa pinakadakong kadaot gikan sa maong kalamidad.
Padayon pa nga gipahigayon sa mga awtoridad ang search and rescue operations sa maong dapit, apan gilauman nga mosaka pa ang gidaghanon sa mga namatay samtang gipangita na ang 100 ka tawo nga gitaho nga namissing niadtong Lunes sa gabii.
Gikabalak-an sa mga opisyal nga maglisod ang pagluwas tungod kay daghang apektadong lugar ang lisod maabot tungod sa kamaot ug kaguba sa mga dalan.
Gipasabot sa mga eksperto nga ang Afghanistan usa sa mga nasud nga labing naapektuhan sa climate change, hinungdan nga mas nagkaseryoso ang mga kalit nga pag-ulan ug pagbaha sa nasud. Gipasamot pa kini sa halapad nga pagpamutol sa mga kakahoyan nga nakapaminos sa kapasidad sa yuta sa pagsuyop sa tubig-baha.
Photo Courtesy:PBS
