Opisyal nang gipagawas sa Philippine Men’s National Football Team ang ilang pinal nga line-up sa mga magdudula nga molaban para sa nasud sa umaabot nga 2026 ASEAN Championship.
Pangunahan sa midfielder nga si Sandro Reyes ang team uban nila Oskari Kekkonen, Cole Mrowka, Kenji Nishioka, Javier Mariona, ug Gavin Muens.
Kuyog usab sa line-up ang mga defenders nga sila Santi Rublico, Noah Leddel, Adrian Ugelvik, Jaime Rosquillo, Christian Rontini, John Lucero, Daisuke Sato, ug Scott Woods. Sa forwards, napili sila Jarvey Gayoso, André Leipold, Pocholo Bugas, Aarran Long, Andres Aldeguer, Martini Rey, ug Raphael Ritarita, samtang ang mga magbalantay sa goal o goalkeepers mao sila Quincy Kammeraad, Patrick Deyto, ug Eric Mangaoang.
Sugdan sa Pilipinas ang ilang kampanya sa Group B batok sa Myanmar karong Hulyo 28 sa New Clark City Athletics Stadium sa Capas, Tarlac, ug atubangon usab nila didto ang Thailand sa Agosto 4. Mo-biyahe usab ang koponan sa gawas sa nasud aron makigsangka sa Laos sa Agosto 1 ug Malaysia sa Agosto 8, diin kinahanglan nilang manguna sa pwesto tungod kay ang duha lamang ka nag-unang koponan sa matag grupo ang makasulod sa knockout stage
Photo Courtesy: Philippine Men’s National Football Team
