Nalangkat sa Spain ang ilang ikaduhang kampeonato sa FIFA World Cup human nila gipildi ang kampeon nga Argentina sa score nga 1-0 pinaagi sa extra time nga gol gikan sa substitute player nga si Ferran Torres. Nagpabilin nga walay nakapuntos ang duha ka team sa regulation time taliwala sa mga impresibong pagbato sa goalkeeper nga si Emiliano Martinez nga nakatala og bag-ong rekord nga 11 ka saves sa usa ka World Cup final. Apan mas misamot ang kalisod sa Argentina dihang nagpabilin na lamang silang 10 ka tawo sa natad human mapagawas si Enzo Fernandez tungod sa ikaduhang yellow card.
Sa katapusan, wala na nakabawi ang Argentina nga igo ra nakatala sa ilang unang suway pagsipa sa goal sa ika-117 nga minuto, hinungdan sa masulub-ong katapusan sa ika-lima ug katapusang World Cup sa 39-anyos nga legend nga si Lionel Messi.
Kini nga makasaysayanong duwa nagpakita usab sa panag-abot sa nagkadaiyang henerasyon diin ang Argentina nagpadala sa ikaduhang pinakatigulang nga pormasyon sa kasaysayan sa finals sa average nga edad nga 30 ka tuig.
Sa pikas bahin, gipahigayon sa Spain ang labing batan-ong paresan sa kasaysayan sa World Cup final pinaagi sa duruha ka 19-anyos nga sila si Lamine Yamal ug Pau Cubarsi. Bisan pa man sa maong kapildihan, nakatala gihapon og kasaysayan si Lionel Messi isip ikaduhang tawo sa kalibutan nga nakaduwa sa tulo ka World Cup finals ug ang ikaduhang hamtong nga finalists human sa edad nga 39 ka tuig ug 25 ka adlaw.
Photo Courtesy:The New York Times
