Nakakuha ug atensyon sa kadaghanan ang istorya sa usa ka Amerikanong robotics engineer nga nagpuyo ug nagtrabaho sa Germany tungod sa iyang lahi nga estilo sa pagsinina kumpara sa kasagaran nga makita sa iyang propesyon.
Nasayran nga si Mark Bryan kanunayng magsul-ob og mga palda ug sapatos nga taas og tikod o mas nailhan nga high heels, apan wala na niini gihuna-huna pa ang isulti o mga komento sa ubang tawo.
Kahibaloan nga oras sa iyang trabaho o padulong siya sa iyang trabahoan kanunay niyang sul-obon ang mga palda ug high heels, bisan pa gani nga maglakaw-lakaw kini ug bisan pa usab sa sulod sa ilang balay.
Matod pa ni Mark, ang sinina walay gender ug iyang gituohan nga ang matag tawo angay nga gawasnon sa pagsul-ob sa bisan unsa nga gusto nila nga dili hukman sa uban.
Photo Courtesy:Harper’s Bazaar Australia
