Nasita sa mga kapulisan og naisyuhan sa citation ticket ang lima ka mga indibidwal human sa gipatuman nga operasyon may kalabutan sa Republic Act 4136 kon Land Transportation and Traffic Code of the Philippines niadtong Hulyo 18, 2026 didto sa National Highway sa Sitio Papag, Brgy. San Rafael, Cateel, Davao Oriental.
Ang operasyon gihimo sa mga personahe sa Cateel Municipal Police Station, ubos sa pagpanguna ni PMAJ MICHAEL P CELECIO (COP) nga miresulta sa pagkasikop sa mga traffic violators.
Ang maong kalihokan kabahin sa padayon nga mga paningkamot sa kapulisan sa pagpatuman sa balaod aron masiguro ang kaluwasan sa kadalanan, disiplina sa mga motorista, ug pagsunod sa mga nasudnong balaod trapiko.
Kini nga lakang nagsilbi nga pahimangno sa tanang motorista nga ang pagrespeto ug pagsunod sa mga lagda sa trapiko dili lamang paglikay sa silot, kondili usa usab ka paagi sa pagpanalipod sa kinabuhi ug kabtangan sa tanang naggamit sa kadalanan.
Photo Courtesy:Cateel MPS
