Gikatakdang depensahan ni Ryan Garcia ang iyang WBC welterweight title batok kang Conor Benn sa Setyembre 12, 2026 sa T-Mobile Arena sa Las Vegas. Gilauman nga mahimong usa ka dakong boxing event ang maong panagsangka samtang padayon pa ang pagsinati sa ubang detalye sa laban.
Interesado na daan ang kampo sa duha ka boksingero nga mag-atubang sa ring tungod sa ilang managlahing estilo sa pagpakig-away. Nailhan si Garcia sa iyang kusog nga left hook ug paspas nga lihok, samtang si Benn adunay kusog nga kombinasyon sa suntok ug agresibong pag-atake.
Karon, si Garcia adunay rekord nga 25 ka daog ug 2 ka pildi, diin 20 niini pinaagi sa knockout. Si Benn usab adunay 25 ka daog, 14 ka knockout, ug usa ka kapildihan. Bisan pa niini, giisip si Garcia nga paborito sa maong laban base sa mga prediction, apan gipaabot nga mahimong lisod ug makapaukyab ang ilang panagtagbo sulod sa ring.
Photo Courtesy:WBC
