Gipaniguro sa Department of Trade and Industry (DTI) ang kabalaka sa publiko kalabot sa posibleng paglihok sa presyo sa mga paliton. Kini taliwala sa gipaabot nga pagsaka sa presyo sa lana sa mosunod nga semana tungod sa bag-ong tensiyon sa tunga-tunga sa US ug Iran.
Matod ni DTI Secretary Cristina Roque, walay mahitabong pagsaka sa presyo sa mga basic commodities ug prime commodities sa pagkakaron. Gipasabot sa kalihim nga wala silay nadawat nga mga petisyon gikan sa mga manufacturer alang sa pag-adjust sa presyo. Gidugang usab niya nga lisod ang magpa-gula og mga espekulasyon karon, hinungdan nga mas maayong hulaton na lang ang mahitabo nga kalamboan bahin niini.
Kahinumduman nga sa unang pagsilaob sa panagbangi tali sa Iran ug Amerika, miresulta kini sa pagsaka sa presyo sa lana human sa mga pag-atake ug pagsira sa Strait of Hormuz—usa ka kritikal nga agianan sa mga barko nga nagdalag lana. Nabatyagan kaniadto ang epekto niini sa mga produkto nga gipamasahi-an, hinungdan nga gikabalak-an na usab karon ang laing pagsaka sa presyo sa mga paliton tungod sa bag-ong tensiyon sa Middle East.
Photo courtesy: Philippine News Agency
