Patay ang walo (8) ka tawo ug 34 pa ang padayon nga gipangita human sa dakong landslide nga nahitabo sa Pengshui County, Chongqing, China niadtong Biyernes. Sumala sa mga awtoridad, 18 ka tawo ang naluwas samtang kapin sa 800 ka rescuers ang gipadala aron ipadayon ang search and rescue operations.
Tungod niini, gimando ni Chinese President Xi Jinping ang komprehensibong inspeksyon sa mga lugar nga adunay peligro sa landslide ug gipagahin sa gobyerno ang 50 milyones ka yuan alang sa rescue ug relief operations.
Nasayran, nga ang insidente nahitabo wala pa molabay ang duha ka semana sukad sa laing landslide sa Gansu Province nga mikalas usab og daghang kinabuhi.
Photo Courtesy: PBS
