Gipahibalo sa National Grid Corporation of the Philippines (NGCP) nga adunay gamay nga pagsaka sa transmission rates nga makita sa mga bayranan sa kuryente karong Hulyo 2026.
Sumala sa NGCP, misaka og 0.77 porsiyento ang average transmission rate ngadto sa ₱1.4604 kada kWh, tungod sa pagtaas sa gasto sa ancillary services nga gigamit aron mapadayon ang kalig-on sa suplay sa kuryente.
Gipasabot sa NGCP, nga wala kini makaginansya sa ancillary service charges tungod kay ang maong bayranan diretsong ibayad sa mga power generator ug sa Independent Electricity Market Operator of the Philippines (IEMOP).
Bisan pa nga mikunhod ang transmission wheeling rate, ang pagsaka sa ancillary service charges maoy hinungdan sa mas taas nga transmission charge sa bayranan sa mga konsumidor.
Photo Courtesy: News Civil Engineer
