Nagpakita og dakong pasalamat sa iyang mga supporters ang content creator ug aktres nga si Ivana Alawi human kini mipalit og 100 ka iPhone 17 Pro nga iyang ipanghatag pinaagi sa giveaway.
Sa video nga iyang gi-upload sa Facebook, giingon ni Ivana nga unang higayon niya nga makapalit og ingon kadaghan nga iPhone. Gi-awhag usab niya ang mga fans nga mo-follow sa iyang Facebook page, i-share ang video, ug magkomento sa ilang paboritong kolor aron makaapil sa raffle.
Mikabat sa kapin ₱4.28 milyon ang kantidad sa iyang napalit nga mga cellphone, diin matag usa ka iPhone 17 Pro adunay balor nga mga ₱85,000. Gipakita usab niya ang nagkadaiyang kolor sa mga unit nga iyang ipanghatag.
Sa pagkakaron, ang maong video nakatigom na og kapin 108 milyon ka views ug 3.7 milyon ka comments sa Facebook. Gipasalig ni Ivana nga tanan nga 100 ka iPhone nga iyang iparaffle mga brand-new ug alang gyud sa iyang mga supporters.
Photo Courtesy:IMDb/Ivana Alawi fb
