Gibalik sa Philippine National Police General Hospital (PNPGH) si Senador Rodante Marcoleta human siya maagian og independent medical examination sa University of the Philippines-Philippine General Hospital (UP-PGH) sa Manila.
Ang maong medical checkup gihimo subay sa mando sa Sandiganbayan. Matud sa Philippine National Police (PNP), gituohang tumong niini ang pagsusi kung ang senador angayan bang moatubang sa iyang kaso sa korte.
Gibutyag sa PNP nga stable ang kahimtang sa panglawas ni Marcoleta ug wala’y bag-ong sakit nga makapameligro sa iyang kinabuhi. Una na siyang na-diagnose og mild pneumonia, taas nga cholesterol, ug high blood pressure nga gikontrol na sa mga doktor.
Padayon nga anaa sa kustodiya sa PNP si Marcoleta human siya maaresto sa kasong plunder nga gisang-at sa Office of the Ombudsman may kalabotan sa giingong wala ideklarang campaign donations.
Boluntaryo usab siyang mitambong sa Sandiganbayan niadtong Hulyo 6 aron mosang-at og motion to quash batok sa kasong plunder ug indirect bribery nga gisang-at batok kaniya ug sa iyang mga kauban.
Photo Courtesy: Wikipedia
