Gilubong na ang 223 ka mga baboy sa Barangay Matti, Digos City human kini makumpirmang positibo sa African Swine Fever (ASF).
Matud ni Barangay Kagawad Leonie Manes, kapin duha ka milyon ka pesos ang kantidad sa iyang mga baboy nga naapektuhan sa maong sakit, hinungdan nga dako ang iyang kapildihan.
Naglaum usab siya nga adunay igong tabang ug suporta nga mahatag ngadto sa mga hog raisers nga naapektuhan sa ASF.
Sa pagkakaron, padayon ang disinfection ug biosecurity measures sa maong lugar pinaagi sa koordinasyon sa Digos City Veterinary Office aron mapugngan ang dugang pang pagkaylap sa sakit ug mapanalipdan ang ubang mga mag-uuma sa baboy.
