Namatay ang kapin 2,700 ka indibidwal sa England ug Wales tungod sa grabeng heatwave nga miigo niadtong Mayo ug Hunyo, sumala sa pagtuon nga gipagawas sa mga tigdukiduki gikan sa Imperial College London, Met Office, ug London School of Hygiene and Tropical Medicine.
Base sa pagtuon, gibanabana nga 550 ka tawo ang namatay tali sa Mayo 21 hangtod 29, samtang dul-an sa 2,200 ka tawoang namatay tali sa Hunyo 18 hangtod 28.
Matud sa mga eksperto, ang grabeng kainit gipalala sa climate change, nga maoy hinungdan sa mas kanunay ug mas kusog nga heatwaves. Gibanabana usab nga misaka og 3 ngadto sa 4 degrees Celsius ang temperatura kumpara sa kahimtang kon walay epekto sa global warming.
Samtang, nagpasidaan ang Climate Change Committee sa United Kingdom nga dili pa andam ang nasud sa mga epekto sa climate change ug girekomendar ang dugang nga mga lakang aron mapanalipdan ang panglawas sa publiko batok sa grabeng kainit.
Photo Courtesy: ReadyWisconsin
