Plano sa Securities and Exchange Commission (SEC) nga palig-onon ang mga lagda alang sa Credit Rating Agencies (CRAs) aron masiguro ang mas higpit nga accreditation ug pagdumala sa ilang operasyon.
Ubos sa gisugyot nga bag-ong regulasyon, mas palig-onon ang mga patakaran sa corporate governance, kahusayan ug independensya sa mga credit analyst, integridad sa credit rating process, transparency, ug reporting requirements.
Palapdan usab sa SEC ang sakop sa regulasyon aron maapil ang corporate bonds, commercial paper, sukuk, covered bonds, sustainability-linked instruments, ug uban pang debt securities sa Pilipinas.
Gisugyot usab nga ipataas ang minimum capital requirement sa mga CRA ngadto sa ₱50 milyon sa panahon sa accreditation ug mahimong ₱70 milyon sulod sa tulo ka tuig.
Matud pa sa SEC, tumong sa maong mga reporma nga mapalig-on ang pagsalig sa mga mamumuhunan ug mapalambo ang kapital nga merkado sa nasud.
