Nagpadayon ang imbestigasyon sa kapulisan sa South Africa sa kalit nga kamatayon sa football player nga si Jayden Adams human makit-an ang iyang lawas sa usa ka propiedad sa Cape Town niadtong Sabado. Wala pa gipahibalo sa mga otoridad ang hinungdan sa iyang kamatayon.
Ang 25-anyos nga midfielder usa sa mga importanteng magdudula sa South Africa sa FIFA World Cup. Nakadula siya sa tanang tulo ka duwa sa group stage ug nakatabang sa iyang koponan nga makaabot sa knockout stage sa unang higayon sa kasaysayan sa nasud.
Nagpaabot pa ang pamilya ni Adams sa resulta sa autopsy, busa wala pa sila makapahibalo kon kanus-a ipahigayon ang iyang lubong.
Matud sa iyang amahan, lisod pa kaayo alang sa ilang pamilya ang pagdawat sa wala damhang pagkawala sa batan-ong football player.
Samtang, mihangyo ang South Africa Sports Minister nga si Gayton McKenzie sa publiko ug media nga likayan ang pagpangagpas sa hinungdan sa kamatayon ni Adams samtang nagpadayon pa ang imbestigasyon.
Gihatagan usab siya og tribute pinaagi sa moment of silence atol sa pipila ka quarterfinal matches sa FIFA World Cup.
Photo Courtesy: ESPN
