Gilauman nga mas mapalapad pa ang kooperasyon tali sa Pilipinas ug Saudi Arabia, dili lamang sa pagpanarbaho sa mga Overseas Filipino Workers o OFWs, kondili usab sa dagkong sektor sama sa pamuhunan, negosyo, enerhiya, ug seguridad sa pagkaon ubos sa Saudi Vision 2030.
Kini ang gipasiugda ni Dr. Jose Antonio Goitia, Chairman Emeritus sa nagkadaiyang civic society groups, kinsa miingon nga panahon na aron palig-onon ang panag-uban sa duha ka nasud pinaagi sa mas aktibong partisipasyon sa pribadong sektor ug pagpalambo sa human capital development. Gidayeg usab niini ang dakong kontribusyon sa mga Pilipino nga nagtrabaho sa Saudi Arabia sa mga sektor sa panglawas, edukasyon, inhenyeriya, konstruksyon, ug hospitality.
Matud pa ni Goitia, ang lig-on nga diplomatikong relasyon kinahanglan suportahan sa mas lawom nga kooperasyon sa negosyo ug pamuhunan aron makamugna og dugang nga oportunidad alang sa mga Pilipino ug mapadayon ang hiniusang kalamboan tali sa Pilipinas ug Saudi Arabia.
Photo Courtesy:x.com
