Opisyal nang giilisan sa AirAsia X Bhd ang ngalan niini ngadto sa AirAsia Group Bhd sugod kagahapong adlawan Hulyo 14 niining tuiga. Sumala sa kompanya, kabahin kini sa ilang estratehiya, aron mas mapalig-on ang ilang brand ug mapakita ang mas halapad nga sakop sa ilang negosyo sa industriya sa abyasyon ug serbisyo.
Gilauman sa AirAsia nga ang bag-ong ngalan, makatabang sa paghiusa sa ilang mga operasyon ug pagpalambo sa ilang presensya sa rehiyon. Nagtuo usab ang kompanya nga mas mailhan kini sa mga kustomer ug mga investor pinaagi sa usa ka mas lig-on ug mas klarong identidad sa merkado.
Bisan pa sa pag-ilis sa ngalan, gisiguro sa AirAsia nga magpadayon ang ilang mga serbisyo ug operasyon nga walay kausaban alang sa mga pasahero. Gibutyag sa kompanya nga ang lakang kabahin sa ilang dugay’ng plano sa pagpalapad ug pagpalig-on sa ilang posisyon sa industriya sa pagbiyahe ug transportasyon sa Asia.
Photo Courtesy: Air Asia Newsroom
