Arestado ang usa ka 39-anyos nga amahan sa Barangay Tambler, General Santos City tungod sa kasong statutory rape. Giila ang suspek nga si alyas “Delmar,” minyo ug kanhi residente sa Barangay Buhay, Makilala, Cotabato, apan kasamtangang nagpuyo sa GenSan.
Ang suspek, nadakpan sa kapulisan pinaagi sa warrant of arrest nga gipagawas sa Regional Trial Court Branch 23 sa Kidapawan City, kung asa, nagkahiusang nagpahigayon og operasyon ang Tambler Police Station, General Santos RIU ug Makilala Municipal Police Station.
Base sa rekord sa kaso, giakusahan ang suspek nga milugos sa iyang 15-anyos nga anak niadtong tuig 2024. Sa kasamtangan, gitanggong ang dinakpan sa kustodiya sa kapulisan samtang naghulat sa commitment order gikan sa korte alang sa pormal nga pag-detainee.
