Giablihan sa Probinsya sa Bukidnon ang 6th Provincial Rescue Olympics, Hulyo 13, 2026, sa Kaamulan Capitol Grounds, Malaybalay City, Bukidnon, agig kabahin sa pagsaulog sa National Disaster Resilience Month nga adunay temang: “Naghahanda at Kumikilos tungo sa Panatag na Bagong Pilipinas.”
Gipangunahan ni Governor Rogelio Neil Oneil Roque ang opening program sa weeklong activity nga molungtad hangtud Hulyo 17, 2026.
Sulod sa lima ka adlaw, ipakita sa mga rescue teams gikan sa nagkadaiyang local government units sa Bukidnon ang ilang kahibalo, disiplina ug kahanas sa pagluwas sa kinabuhi —Mountain Search and Rescue, High Angle Rescue, Water Search and Rescue, Firefighters Mixed Combat Challenge, ug Vehicular Accident Rescue.
Mitambong isip keynote speaker si ASEC Laurence E. Mina, Deputy Administrator for Operations sa Office of Civil Defense, uban sa mga opisyal gikan sa nagkalain-laing national government agencies, LDRRMOs, ug uban pa
Nagkahiusa ang 18 ka mga contingents gikan sa nagkalain-laing Local Government Units (LGUs) sa probinsya aron ipakita ang ilang dedikasyon, abilidad, ug pagtinabangay sa gipahigayon nga tinuig nga Rescue Olympics nga nagsilbing mahinungdanong plataporma sa pagpauswag sa katakus sa disaster preparedness ug emergency response sa matag komunidad.
Photo Courtesy: DILG Bukidnon
