Gipasiugda si President Ferdinand “Bongbong” Marcos Jr. nga ang South China Sea kinahanglan magpabiling dagat sa kalinaw, kooperasyon, ug koneksyon tali sa mga nasud, ug dili mahimong lugar sa panagbangi.
Atol sa selebrasyon sa ika-10 anibersaryo sa 2016 arbitral ruling nga mipabor sa kaso sa Pilipinas batok sa China, giingon sa presidente nga ang mga panaglalis tali sa mga nasud kinahanglan masulbad pinaagi sa malinawon nga paagi ug pagsunod sa internasyonal nga balaod, dili pinaagi sa pagpamugos o paggamit og kusog.
Gipasiugda usab ni Marcos nga ang maong desisyon sa arbitral tribunal dili lamang bahin sa teritoryo, kondili adunay dakong epekto sa panginabuhi sa mga Pilipino, ilabina sa mga komunidad nga nagsalig sa kadagatan.
Matud pa sa presidente, magpadayon ang Pilipinas sa pagsunod sa United Nations Charter ug sa United Nations Convention on the Law of the Sea (UNCLOS), samtang ipadayon usab ang maayong pakig-uban ug dayalogo sa ubang mga nasud aron mapreserbar ang kalinaw ug kalig-on sa rehiyon.
Photo Courtesy: Philippine News Agency
