Dakpan sa kapulisan ang usa ka Street Level Individual (SLI) atol sa joint buy-bust operation nga gilusad alas 1:55 sa kadlawon sa Hulyo 12, 2026 sa Purok Pine Tree, Barangay San Miguel, Digos City. Ang suspek giila nga si alyas “Yobs,” 31-anyos, residente sa Lopez Jaena, Barangay Zone 1, Digos City.
Ang operasyon gipahigayon sa City Drug Enforcement Unit sa Digos City Police Station kauban ang PDEA Davao del Sur, PDEU, ug 1st DSPMFC Intelligence Personnel.
Nakumpiska gikan sa suspek ang duha ka pakete sa gituohang shabu, buy-bust money nga ₱1,000, usa ka brown wallet ug usa ka green nga Android cellphone.
Ang nakuhang gituohang shabu adunay gibug-aton nga 4.44 gramos ug gibanabanaang kantidad nga ₱30,192.
Ang suspek anaa na sa kustodiya sa Digos City Police Station ug giandam na ang kasong paglapas sa Republic Act 9165 o Comprehensive Dangerous Drugs Act of 2002.
