Nagduso ang economic team sa Marcos administration og record-high nga ₱7.2 trillion nga national budget alang sa tuig 2027. Base sa Development Budget Coordination Committee o DBCC, ang maong proposed budget mas taas og 6% kumpara sa ₱6.793 trillion nga budget sa 2026.
Matud sa DBCC, tumong sa proposed budget nga mas mapalig-on ang high-impact spending, transparency sa paggamit sa pondo, ug paglikay sa mga doble-doble nga programa sa gobyerno.
Gilauman usab sa gobyerno nga mosaka ang revenue collections gikan sa ₱4.81 trillion karong 2026 ngadto sa ₱5.21 trillion sa 2027.
Lakip sa tutukan sa gobyerno mao ang pagpalig-on sa local governance, pagpaayo sa cash subsidy programs, ug pagpadali sa mga importanteng infrastructure projects.
Samtang sa ekonomiya, gibanabana sa DBCC nga mohinay ang economic growth sa Pilipinas ngadto sa 3.5% hangtod 4.5% karong 2026, apan posibleng mosaka pag-usab sa 5% hangtod 6% gikan 2027 hangtod 2030.
Gilauman usab nga ang inflation rate karong 2026 mokabat sa 6% hangtod 7%, tungod sa taas nga presyo sa fuel ug uban pang supply pressures.
Photo Courtesy: Philippine News Agency
