Nakigtagbo si President Ferdinand Marcos Jr. kang kanhi United Kingdom Prime Minister Tony Blair sa Malacañang niadtong Miyerkules.
Atol sa ilang panagtagbo, giila ni Marcos si Blair isip usa sa labing dugay nga nagserbisyo isip prime minister sa United Kingdom ug padayon nga naghatag og tambag sa mga lider ug gobyerno bahin sa maayong pagdumala ug public policy pinaagi sa Tony Blair Institute for Global Change (TBI).
Si Blair, nga nagsilbi isip UK prime minister gikan sa 1997 hangtod 2007, mao karon ang executive chairman sa TBI, usa ka non-profit organization nga nagtabang sa mga lider ug gobyerno sa pagtukod og mas bukas, inklusibo ug mauswagon nga katilingban.
Ang katapusang pagbisita ni Blair sa Pilipinas nahitabo niadtong Setyembre 2022.
Photo Courtesy: PCO
