Giimbestigahan na sa mga awtoridad ang kalit nga kamatayon sa usa ka bag-ong natawo nga bata sa Barangay Latian, Kiblawan, Davao del Sur. Sumala sa pamilya, nakit-an nilang wala na kini nagginhawa sa sayong kabuntagon bisan wala silay namatikdan nga sakit sa wala pa kini matulog.
Human makita ang pipila ka samad sa lawas sa bata, mikaylap sa social media ang mga pangagpas nga nalambigit kini sa gitawag og “aswang.”
Apan, wala pay opisyal nga pahayag gikan sa kapulisan o mga awtoridad nga nagkumpirma sa maong alegasyon.
Gipaabot karon sa pamilya ang resulta sa imbestigasyon aron mahibal-an ang tinuod nga hinungdan sa kamatayon, samtang gihangyo ang publiko nga dili magpakaylap og wala mapamatud-ang impormasyon.
