Nagpirma og memorandum of understanding (MOU) ang Indonesian sovereign wealth fund nga Danantara ug tulo ka kompanya sa Singapore aron palambuon ang cross-border electricity project tali sa Indonesia ug Singapore.
Gipahigayon ang pagpirma atol sa pagbisita ni Prime Minister Lawrence Wong sa Jakarta ug sa iyang pakigpulong uban ni Indonesian President Prabowo Subianto.
Matud ni Wong, dakong lakang kini sa pagpalig-on sa kooperasyon sa enerhiya sa duha ka nasud.
Samtang, giingon ni Indonesian Energy Minister Bahlil Lahadalia nga nagpadayon pa ang negosasyon sa presyo sa kasabutan, apan naglaom siyang sa dili madugay makab-ot ang usa ka “win-win solution” nga mapuslan sa duha ka nasud.
Kabahin kini sa mga kasabutang gisugdan sa Indonesia ug Singapore niadtong 2025, lakip ang plano nga makasuplay ang Indonesia og 3.4 gigawatts nga low-carbon nga kuryente ngadto sa Singapore pagsugod sa 2035.
Photo Courtesy: Reuters
