Luwas nga nauli sa Pilipinas ang napulo ka mga ka Pinoy seafarers nga sakay sa barkong Liberia-flagged Epaminondas nga gi-hold sa Iranian forces sa Strait of Hormuz atol sa tensyon sa Middle East.
Sumala sa Department of Migrant Workers (DMW), tulo ka mga pinoy seafarers ang miabot sa Ninoy Aquino International Airport (NAIA) niadtong Lunes ug gisugat sa ilang mga pamilya uban mga opisyal sa DMW, OWWA, ug ilang manning agency.
Ang maong mga Pinoy seafarers, gihatagan ug pinansyal ug medikal nga tabang, samtang giandam usab ang dugang nga medical ug psychosocial assessment aron masuportahan ang ilang kahimsog ug pagbalik sa normal nga kinabuhi.
Bisan pa niini, giingon sa MARINA nga aduna pay 81 ka Filipino seafarers nga nagpabiling stranded sa Strait of Hormuz, apan gisiguro rang luwas ug adunay igo nga pagkaon ug tubig.
Samtang, nagpadayon usab ang mga paningkamot sa maong mga ahensya aron makalahos na ang mga barko human sa ceasefire tali sa Iran ug United States.
Photo Courtesy:dmw.gov.ph
