Gipalig-on sa Police Station 2 sa Cagayan de Oro City Police Office, ang presensya sa kapulisan sa mga eskwelahan ilabina panahon sa Monday flag-raising ceremony.
Matod ni PMaj Peter Tajor, tumong niini nga dili lamang mapugngan ang posibleng krimen, kondili aron usab mapakita sa mga estudyante, magtutudlo, ug ginikanan nga andam sa tanang higayon ang kapulisan sa pagserbisyo ug pagpanalipod sa komunidad.
Dugang pa niya, gusto usab nilang mahimong inspirasyon sa kabatan-onan aron sa umaabot mahimong kabahin sa Philippine National Police ug motubag sa tawag sa serbisyo publiko.
Gipatuman ang lakang isip kabahin sa pagpalig-on sa seguridad sa mga eskwelahan, ilabina human sa nahitabong madugong insidente sa Tacloban City diin duha ka estudyante ang namusil sa ilang mga kaeskwela.
Photo courtesy: PNP Cagayan de Oro CPO Police Station 2/ Facebook
