Gihangyo karon sa Misamis Oriental Early Childhood Care Development Center (ECCD) ang mga ginikanan nga dili una pagamiton ang mga batang nag edad gikan sa 8-anyos paubos sa mga gadgets.
Atol sa Meet the Press sa Cagayan de Oro kagahapong adlawa Hulyo 8, 2026, gibutyag ni Provincial Head for Early Childhood Care Development Misamis Oriental, Maryden Ocot nga ang ginikanan mismo ang dapat manguna sa pag disiplina sa paggamit sa gadets aron malikayan ang bisan unsa mang dautang mga aktibadad nga pweding makuha o sundon sa mga bata.
Gidugang pa niini nga dili matud pa maayo nga tunolan sa cellphone ang bata aron lang pahilumon ug labaw sa tanan walay laing basulon kundi mismo ang ginikanan sa umaabot nga panahon kung mausab ang pamatasan sa bata o diba kaha maapektohan ang pagtuon niini sa eskwela.
Photo courtesy: Adobe Stock
