Patas ug professional nga impeachment trial ang panawagan karon ni Davao 1st District Representative Paolo Duterte.
Sa post sa kongresista sa iyang facebook page, namahayag kini nga magsilbi unta nga tukmang dapit ang impeachment court alang sa pagkaplag sa kamatuoran kalabot sa mga pasangil nga giatubang karon sa iyang igsuon.
Pamahayag ni Duterte nga angayan lamang mopatigbabaw ang kamatuoran ug dili ang mga bakak nga propaganda sa ilang mga kontra sa politika.
Kumpyansa hinuon ang opisyal nga mahatagan og higayon ang bise presidente nga matubag ang matag akusasyon subay sa tukmang proseso.
Photo courtesy: Cong. Paolo Duterte/Fb Page
