Patay na nga nakaplagan sa mga otoridad sa nasod sa France ang lawas sa usa ka lalaki didto sa Paris canal human kini nadiskubrehan sa mga mangaligoay. Sumala pa nga naila ang Paris Canal dili lang sa mga lokal apan lakip na mga turista isip usa ka dapit nga mamahimong magpabugnaw taliwala sa nasinati nga summer heatwave sa dapit.
Sa taho sa kapulisan, nakaplagan ang patay nga lawas sa Canal Saint-Martin amihanang bahin sa syudad sa Paris. Girespondehan gilayon sa mga sakop sa fire brigade ang insidente kinsa maoy nihaw-as sa lawas sa lalaki gikan sa tubig.
Gihulagway sa kapulisan ang lawas niini nga anaa na sa state of decomposition ug gituohan nga dugay na nga naa sa ilalom sa tubig. Samtang gibana-bana ang edad sa maong biktima nga anaa sa 25 ngadto sa 35 anyos.
Photo Courtesy: The Strait Times
