Gipasiugda sa environmental scientist nga si Lea Caburatan ang importansya sa estriktong pagsunod sa mga balaod sa Pilipinas nga nagdumala sa quarrying ug mining aron mapanalipdan ang kinaiyahan hilabina sa lalawigan sa Misamis Oriental ug mapugngan ang mga ilegal nga kalihokan.
Matud ni Caburatan, dili angay itugot ang bisan unsang ilegal nga quarry ug mining operation nga mahimong hinungdan sa pagkadaot sa kinaiyahan. Giawhag usab niya ang tanang operators nga mosunod sa mga lagda ug magpatuman og responsableng pagpangquarry ug pagmina aron masiguro ang pagpanalipod sa kinaiyahan alang sa umaabot nga mga henerasyon.
Dugang pa niya, importante nga dili lamang ang mga operators ang makabenepisyo sa industriya, kondili usab ang mga komunidad pinaagi sa patas nga pagbahin sa kita ug sa mga programang makapauswag sa panginabuhian ug kinaiyahan.
Photo Courtesy: Philippine Mining Club
