Giklaro sa Social Security System (SSS) Cagayan de Oro nga dili mahimong basihan ang bisan unsang valid ID sa pag-usab sa sayop nga pangalan ug uban pang sensitibong personal nga detalye sa rekord sa usa ka myembro.
Matud ni SSS-CDO Branch Account Officer Jan Michael Olaivar, ang birth certificate lamang ang opisyal nga dokumento nga mahimong gamiton isip basihan sa bisan unsang kausaban sa personal nga impormasyon sa myembro.
Dugang pa ni Olaivar nga kon ang birth certificate mismo ang adunay sayop o problema, kinahanglan una kining matul-id pinaagi sa Philippine Statistics Authority (PSA) sa dili pa mahimong iproseso sa SSS ang mga kausaban sa rekord sa myembro.
Photo courtesy: GMA News
