Gihangyo sa lokal nga kagamhanan sa Malaybalay ang tibuok komunidad nga magpahigayon og clean-up drive matag Sabado aron mapugngan ang pagdagsa sa kaso sa dengue.
Apil sa giawhag ang tanang barangay, mga tunghaan, pribado ug pampublikong establisyemento, ug matag panimalay aron limpyohan ang palibot ug wagtagon ang puy-an sa mga lamok.
Kini nga lakang gibase sa Resolution No. 2026-0628 nga giaprobahan sa 10th Sangguniang Panlungsod niadtong Hunyo 30, 2026. Ang maong resolusyon giduso ni Kathleen Cecille C. Pagaling, kinsa Chairperson sa Committee on Health and Social Services, atol sa ilang ika-50 nga Regular Session.
Gipasiugda sa konseho nga seryosong hulga sa panglawas ang dengue tungod kay dali kini mokaylap ug mahimong makamatay. Tungod niini, gilauman sa siyudad ang hugot nga panagtinabangay sa tanang sektor aron mapanalipdan ang kahimsog sa mga lumulopyo sa Malaybalay
Photo Courtesy:10th SP – Malaybalay City
