Nagpahigayon ang Sangguniang Kabataan (SK) Federation sa Iligan City og orientation sa Annual Monitoring and Assessment System isip pagpangandam sa turnover sa katungdanan ngadto sa umaabot nga mga opisyal sa SK.
Gipasabot sa kalihokan, ang mga batakang sukdanan sa pagtimbang sa performance sa matag SK Council, lakip ang partisipasyon sa kabatan-onan, transparency ug accountability, epektibong pangdumala, ug kalig-on sa mga programa.
Tumong sa maong inisyatiba, ang pagsiguro sa hapsay nga transisyon sa liderato, pagpalig-on sa maayong pangdumala, ug pagdasig sa responsable ug epektibong pag-alagad sa mga lider sa kabatan-onan sa tibuok dakbayan.
