Nakadawat ang Super Health Unit sa Lungsod sa Tagoloan, Lanao del Norte og mga bag-ong medical equipment gikan sa Department of Health–Center for Health Development Northern Mindanao (DOH-CHDNM) ning miaging adlaw aron mapalig-on ang paghatag og nagunang serbisyo sa panglawas.
Lakip sa gihatag ang centrifuge, microscope, steel cabinet, ug autoclave nga makatabang sa mas epektibong diagnostic services, husto nga sterilization sa medical instruments, ug mas maayong operasyon sa pasilidad.
Sumala sa lokal nga panggamhanan, ang maong donasyon nagpakita sa padayon nga paningkamot sa pagpaayo sa kalidad sa serbisyong panglawas alang sa mga Tagoloanon.
Nagpasalamat usab ang LGU Tagoloan sa DOH-CHDNM sa suporta niini sa pagpalig-on sa lokal nga mga pasilidad sa panglawas ug sa paghatag og mas accessible ug dekalidad nga serbisyo sa komunidad.
