Garbo sa probinsya sa Bukidnon nga opisyal nang nakaabot sa 54 ang kinatibuk-ang listahan sa mga centenarians human gidugang ang tulo (3) ka mga katigulangan gikan sa lungsod sa Cabanglasan niadtong Hunyo 2, 2026 kansang benepisaryo ubos sa Provincial Centenarian Cash Incentive Program.
Ang maong programa gipatuman pinaagi sa Provincial Social Welfare and Development Office (PSWDO) agig pag-ila ug pagpasidungog sa taas nga kinabuhi ug kontribusyon sa mga katigulangan sa probinsya.
Giila ang tulo ka mga bag-ong awardees nga silang Ernesto Saligoyan, 106 anyos; Rosita Florentino, 101 anyos; ug Boddina Lumbatan, nga bag-ohay lang nagsaulog sa iyang ika-100 nga adlawng natawhan.
Mismo si Governor Rogelio Neil Oneil Roque ang nangulo sa pagtunol sa tag-₱50,000 nga cash incentive ngadto sa matag usa kanila, kinsa mipaambit nga sa iyang pakighinabi sa mga benepisaryo kasagaran sa ilang sekreto mao ang pagkaon sa mga root crops.
Gihinaot sa opisyal nga ampingan pa sa ilang pamilya ang mga katigulangan agig pagrespeto sa ilang pagiya sa mga henerasyon karon.
Photo Courtesy: LGU- Bukidnon
