Usa ka restaurant sa Baguio City ang temporaryong gipasira human mikaylap sa social media ang reklamo sa usa ka customer nga giingong nakakitag patay nga ilaga sulod sa iyang gi-order nga sinigang nga hipon.
Sumala sa customer, nakahigop na siya og sabaw sa pagkaon sa wala pa niya namatikdan ang giingong ilaga nga nasagol sa sud-an. Gipahayag usab niya ang iyang kasubo sa giingong kakulang sa aksyon sa mga staff human sa nahitabo.
Mitubag ang pamunuan sa restaurant pinaagi sa pagpangayo og pasaylo sa customer ug miingon nga andam silang motabang sa bisan unsang gastuhon alang sa medical check-up kung gikinahanglan.
Human sa insidente, temporaryong gipasira ang maong restaurant samtang ginasusi sa mga awtoridad ang kahimtang niini.
Sa dili pa kini tugotan nga makabalik sa operasyon, kinahanglan una kini makakuha og sertipikasyon nga nagpakita nga nakasunod na sa gikinahanglang kalimpyo ug food safety standards.
Padayon pa ang imbestigasyon aron matino ang tinuod nga hinungdan sa maong insidente ug aron masiguro ang pagsunod sa mga regulasyon sa food safety
Photo Courtesy: Jungle Town Baguio Tiktok
