Patay ang labing menos 32 ka tawo samtang 16 ang nasamdan human nahulog sa lawom nga pangpang ang usa ka bus sa Pakistan. Ang bus nagbiyahe gikan Quetta padulong Peshawar sa dihang nahitabo ang aksidente sa Dana Sar mountain range.
Base sa report, 48 ka pasahero ang sakay sa bus, lakip ang mga babaye ug mga bata. Gisusi pa sa mga otoridad ang hinungdan sa aksidente, apan posible kuno nga adunay problema sa steering sa bus hinungdan nga nawad-an og kontrol ang driver.
Gidala sa ospital ang mga nasamdan, samtang ang mga patayng lawas giila aron nga mapa-uli na sa ilang tagsa-tagsa ka lugar. Sumala sa mga otoridad sa Pakistan, posibleng sobra sa pasahero ang bus tungod kay nisakay usab niini ang pipila ka pasahero gikan sa laing bus nga naguba.
Nagpaabot na og pahasubo ang presidente ug prime minister sa Pakistan sa mga pamilya sa mga biktima.
Photo Courtesy: District Administration Sherani
