Gipasalig ni Senador Francis “Chiz” Escudero nga patas ug walay pagpihig ang pagdumala sa impeachment trial batok kang Bise Presidente Sara Duterte human siya mapili isip Presiding Officer sa Senate Impeachment Court. Giingon niya nga ang proseso kinahanglan ipatuman uban sa integridad, pag-amping, ug pagsunod sa Konstitusyon, ug giawhag ang tanang senador, prosecutors, depensa, ug mga saksi nga likayan ang publiko nga mga komentaryo bahin sa kaso.
Giklaro usab ni Escudero nga sumala sa 1987 Constitution, kinahanglan ang o two-thirds vote sa tanang 24 ka senador aron adunay conviction. Nagpasabot kini nga 16 ka boto ang gikinahanglan aron mapamatud-an nga sad-an ang bise presidente. Matud niya, kini nga interpretasyon gisuportahan usab sa mga miaging desisyon sa korte ug ang kasamtangang balaod nga angay sundon.
Gipasiugda ni Escudero nga ang impeachment dili angay gamiton alang sa pamolitika o personal nga panimalos, kondili usa ka seryoso nga proseso sa pagpatuman sa Konstitusyon. Dugang niya, kung adunay dili mouyon sa mahimong desisyon sa impeachment court, mahimo silang modangop sa Korte Suprema alang sa legal nga pagrepaso.
Photo Courtesy: Philippine News Agency
